பாடசாலையின் வளர்ச்சிக்கு சகல வழிகளிலும் உறுதுணை புரிந்து வரும் பழைய மாணவர் சங்க கனடாக் கிளையின் நிர்வாக உறுப்பினர்களுக்கும் அவர்களுக்கு பல்வேறு வகையிலும் அனுசரணை வழங்கும் கனடா வாழ் பழைய மாணவர்களுக்கும், நலன்விரும்பிகளுக்கும் கல்லூரி சார்பாக தமது நன்றிகளை அதிபர் திருமதி.வாசுகி தவபாலன் அவர்கள் தெரிவித்துள்ளார்.
பழைய மாணவர் சங்கக் கனடாக் கிளையின் பொதுக்கூட்டமும் புதிய நிர்வாகசபைத் தேர்வும் நடைபெறுவதனை முன்னிட்டு கடந்த வாரம் கனடாக் கிளைக்கு அனுப்பி வைத்த கடிதத்திலேயே அதிபர் இவ்வாறு தெரிவித்துள்ளார்.
மேலும் கடந்த மூன்று வருட காலத்தில் பாடசாலை அனைத்து வழிகளிலும் மேன்மையடைந்துள்ளதாகக் குறிப்பிட்டுள்ள அதிபர், பாடசாலையின் தேசிய மட்ட, மாகாண மட்ட சாதனைகளையும் பட்டியலிட்டு, இவ் அனைத்து வெற்றிகளுக்கும் பின் இருந்து உத்வேகம் வழங்கி உதவிய பழைய மாணவர் சங்க கனடாக் கிளையின் செயற்பாடுகளைப் பாராட்டியுள்ளார்.
பழைய மாணவர் சங்கக் கனடாக் கிளை வழங்கிய உதவித்திட்டங்களைக் குறிப்பிட்டுள்ளதுடன், பாடசாலை தொடர்பான செய்திகளை வெளியிட்டு கல்லூரியின் புகழை உலகெங்கும் பரப்பி வரும் எமது இணையத்தள சேவைக்கும் தமது நன்றியினைத் தெரிவித்துள்ளார். அதேவேளையில் புதிய நிர்வாக சபையின் பணி சிறப்புற தமது வாழ்த்துக்களையும் தெரிவித்துள்ளார்.
அதிபரின் முழுமையான வாழ்த்துச் செய்தியைக் கீழே காணலாம்.
No Responses to “கனடாக் கிளைக்கு அதிபர் திருமதி.வாசுகி தவபாலன் அவர்களின் நன்றி நவிலலும் வாழ்த்துச் செய்தியும்”