logo

எமது கல்லூரியின் பழைய மாணவர் பேராசிரியர் ஆறுமுகம் நல்லநாதனின் மற்றுமொரு சாதனை

182206_1483891151793_4090529_n

பிரித்தானியா லண்டன் பல்கலைக்கழக தகவலியல் துறைப் பேராசிரியரும் காரைநகர் இந்துக் கல்லூரியின் பழைய மாணவருமாகிய பேராசிரியர் ஆறுமுகம் நல்லநாதன் அவர்கள் உலகில் மிகப்பெரிய தொழில்நுட்பத்துறைசார் நிபுணர்களின் நிறுவனமான மின் மற்றும் இலத்தினியல் பொறியியல் நிறுவனத்தின் (IEEE ) “Fellow” உறுப்பினர் என்ற தகுதியைப்
Read More


மாகாண மட்ட விழுமியங்கள் பற்றிய விவாதப்போட்டியில் காலிறுதியில் பங்கு பற்றிய மாணவர்களுக்கான பரிசளிப்பு விழா

photo-1

மனித விழுமியங்களைக் கட்டியெழுப்பும் நோக்குடன் யாழ்ப்பாணம் பிரம்மகுமாரிகள் இராஜயோகா நிலையத்தினால் “சுகதாமம்” மண்டபத்தின் ஓராண்டு நிறைவை முன்னிட்டு வட மாகாண கல்வி அமைச்சின் அனுசரணையில் கல்விப் பொதுத் தராதர உயர்தர மாணவர்கள் மத்தியில் மாகாண மட்டத்தில் விழுமியங்கள் பற்றிய விவாதப் போட்டித்தொடர் இடம்பெற்றது.
Read More


தேசிய மட்ட சுவரொட்டிப் போட்டியில் காரை இந்து மாணவன் செல்வன் புஸ்பராசா சபிதன் முதலிடம்.

certificate

தேசிய சிறுவர் பாதுகாப்பு அதிகார சபையினால் உலக சிறுவர் தினத்தை முன்னிட்டு இடம்பெற்ற சுவரொட்டிப் போட்டியில் செல்வன் புஸ்பராசா சபிதன் தேசிய மட்டத்தில் முதலிடம் பெற்ற செய்தியை இவ்விணையத்தளத்தில் ஏற்கனவே பிரசுரித்திருந்தோம். தேசிய சிறுவர் பாதுகாப்பு அதிகார சபையினால் அகில இலங்கை ரீதியாக
Read More


ஐக்கிய நாடுகள் சபைப் பிரதிநிதி திருமதி.புனிதம் செல்வரத்தினம் அவர்கள் வாணி விழாவில் சிறப்புரை

OLYMPUS DIGITAL CAMERA

ஐக்கிய நாடுகள் சங்க பிருத்தானிய அமைப்பின் (The United Nations Association of Great Britain and Northern Ireland (UNA-UK) ) உறுப்பினரும், எமது கல்லூரியின் பழைய மாணவியும், முன்னாள் ஆசிரியையுமாகிய திருமதி புனிதம் செல்வரத்தினம் அவர்கள் அண்மையில் பாடசாலையில் நடைபெற்ற
Read More


கல்வி சாரா அலுவலர் வீரசிங்கம் கதிரவேற்பிள்ளையின் சேவையை பழைய மாணவர் சங்கத்தின் கனடாக் கிளை நன்றியோடு நினைவு கூருகின்றது.

kathiravetpillaist

காரைநகர் இந்துக் கல்லூரியின் வளர்ச்சியில் பாடசாலையில் பணியாற்றிய அதிபர்கள் ஆசிரியர்கள் ஆகியோருடன் கல்விசாரா அலுவலர்களின் பங்கும் பாடசாலைச் சமூகத்தினால் நன்றியுணர்வுடன் நினைவு கூரப்படவேண்டியதாகும். நேர்மையுடனும் விசுவாசத்துடனும் அர்ப்பணிப்பு மிக்க சிறப்பான சேவையை வழங்கிய வகையில் அமரர் வீரசிங்கம் கதிரவேற்பிள்ளை அவர்கள் கல்விசாரா அலுவலர்கள்
Read More


கீர்த்திமிகு ஆராய்ச்சியாளர்களின் பட்டியலில் இடம்பெற்று சாதனை படைத்துள்ள எமது கல்லூரியின் பழைய மாணவன் பேராசிரியர் ஆறுமுகம் நல்லநாதன்

arumugam-nallanthan-web

பிரித்தானியா லண்டன் பல்கலைக்கழக தகவலியல் துறைப் பேராசிரியரும் காரைநகர் இந்துக் கல்லூரியின் பழைய மாணவருமாகிய பேராசிரியர் ஆறுமுகம் நல்லநாதன் இவ்வாண்டில்(2016) அனைத்துலக அளவில் அதிகமாகக் குறிப்பிடப்பட்ட ஆராய்ச்சியாளர்களின் பட்டியலில் இடம்பெற்று தாம் பிறந்த மண்ணுக்கும், கல்வி கற்ற பாடசாலைகளுக்கும் பெருமை சேர்த்துள்ளார். உலகப்
Read More


S.P.சுப்பிரமணியம் அவர்களின் நூறாவது பிறந்த தினத்தை பழைய மாணவர் சங்கத்தின் கனடாக் கிளை நினைவு கூருகின்றது.

SPS

தமது வர்த்தகப் பணியினாலும் பொதுப் பணியினாலும் S.P.S.என காரைநகர் மக்களால் சிறப்பாக பாடசாலைச் சமூகத்தினால் அழைக்கப்பட்டு வந்தவரான அமரர் S.P.சுப்பிரமணியம் அவர்களின் நூறாவது பிறந்த தினம் இன்றாகும். அமரர் S.P.சுப்பிரமணியம் அவர்கள் எமது கல்லூரிக்கு முன்பாக பாடசாலை உபகரணங்கள, கட்டிட உபகரணங்கள, மருந்தப்
Read More


‘பிரதீபா பிரபா’ விருது பெற்ற கல்லூரியின் பழைய மாணவி செல்வி சாவித்திரி வைத்தீஸ்வரக் குருக்கள் அவர்களை பழைய மாணவர் சங்கத்தின் கனடாக் கிளை பாராட்டி வாழ்த்துகின்றது.

kv-doughterw

‘பிரதீபா பிரபா’ விருது பெற்ற கல்லூரியின் பழைய மாணவி செல்வி சாவித்திரி வைத்தீஸ்வரக் குருக்கள் அவர்களை பழைய மாணவர் சங்கத்தின் கனடாக் கிளை பாராட்டி வாழ்த்துகின்றது. கந்தரோடை, சுன்னாகம் யா/ஸ்கந்தவரோதய ஆரம்ப பாடசாலையின் உப அதிபராகப் பணியாற்றுகின்ற எமது கல்லூரியின் பழைய மாணவி
Read More


காரைநகர் இந்துக் கல்லூரியிலிருந்து இரு மாணவர்கள் பல்கலைக் கழக அனுமதி பெற்றுள்ளனர்

ugc-001

கடந்த ஆகஸ்ட் 2015 இல் நடைபெற்ற க.பொ.த (உ-த) பரீட்சைப் பெறுபேறுகளின் அடிப்படையில் பல்கலைகழக அனுமதிக்கான வெட்டுப்புள்ளி விபரம் இலங்கை பல்கலைக்கழகங்கள் மானியங்கள் ஆணைக்குழுவினால் அண்மையில் வெளியிடப்பட்டுள்ளது. மேற்படி வெட்டுப்புள்ளிகளின் அடிப்படையில் காரைநகர் இந்துக் கல்லூரியிலிருந்து இரு மாணவர்கள் பல்கலைக்கழக அனுமதி பெற்றுள்ளனர்.
Read More


பழைய மாணவர் சங்கத்தின் கனடாக் கிளையின் நெஞ்சார்ந்த நன்றியும் அன்பான வேண்டுகோளும்

new-logo

அன்பார்ந்த காரை இந்து அன்னையின் புதல்வர்களே! நலன் விரும்பிகளே!

பழைய மாணவர் சங்கத்தின் கனடாக் கிளையின் நெஞ்சார்ந்த நன்றியும் அன்பான வேண்டுகோளும்.

காரைநகர் இந்துக் கல்லூரியில் அரசாங்கத்தின் உதவியுடன் 250மில்லியன் ரூபா மதிப்பீட்டிலான ‘அண்மித்த பாடசாலை சிறந்த பாடசாலை’ என்கின்ற பௌதிக வள அபிவிருத்தித் திட்டத்தினை செயற்படுத்துவதற்குத் தேவையான காணியின் ஒரு பகுதியினை கொள்முதல் செய்ய உதவும்வகையில் பழைய மாணவர் சங்கத்தின் கனடாக் கிளையினால் முன்னெடுக்கப்பட்டு வருகின்ற நிதி சேகரிப்புச் செயற்பாட்டின் முக்கியத்துவத்தினைப் புரிந்துகொண்டு தாராள சிந்தையுடனும் விசுவாச உணர்வுடனும் நூற்றுக்கணக்கான பழைய மாணவர்களும் நலன் விரும்பிகளும் ;இயன்றளவு நிதிப் பங்களிப்பினை வழங்கி வருகின்றமை எமக்கு மகிழ்ச்சியும் ஊக்கமும் அளிப்பதாகவுள்ளது. இவர்கள் அனைவருக்கும் எமது உளமார்ந்த நன்றியினைக் கூறிக்கொள்கின்றோம். எமது செயற்பாட்டின் மற்றோர் அங்கமாக அண்மையில் நடாத்தப்பட்டிருந்த சுப்பர் சிங்கர் புகழ் சாயி விக்னேஷின் கர்நாடக இசைக் கச்சேரி எமது இலக்கினை அடைவது உள்ளிட்டு அனைத்து வகையிலும் வெற்றிகரமாக நடந்தமையையிட்டு எமது மனநிறைவினையும் மகிழ்ச்சியினையும் தங்களுடன் பகிர்ந்துகொள்ள விரும்புகின்றோம்.. இந்நிகழ்வின் நோக்கத்தினைப் புரிந்துகொண்டு நுழைவுச் சீட்டுக்களைப் பெற்றுக்கொண்டும் அனுசரணை வழங்கியும் இன்னும் பல்லாற்றாலும் ஆதரவளித்திருந்த அனைத்து பழைய மாணவர்களுக்கும் நலன் விரும்பிகளுக்கும் எமது நெஞ்சார்ந்த நன்றியினை தெரிவித்துக்கொள்ள கடமைப்பட்டுள்ளோம்..

எமது நிதி சேகரிப்புச் செயற்பாட்டில் பங்களிப்பினை இன்றுவரை வழங்கியிராதிருக்கும் பழைய மாணவர்கள் மற்றும் நலன் விரும்பிகளுக்கு வாய்ப்பளிக்கும் வகையிலும் ஒவ்வொரு பழைய மாணவர்களும் தவறாது இத்திட்டத்தில் பங்கெடுக்கவேண்டும் என்பதை கருத்திற்கொண்டும் நன்கொடைகளை பெற்றுக்கொள்ளும் கால எல்லையினை அக்டோபர் 31ஆம் திகதி வரை நீடித்துள்ளோம். வரலாற்று முக்கியத்துவம் மிக்க இத்திட்டத்தில் பங்குகொள்வதை தமது வரலாற்றுக் கடமையாகக் கொண்டு தம்மாலியன்றளவு உதவியை வழங்க அனைத்து பழைய மாணவர்களும் முன்வருவார்கள்; என எதிர்பார்க்கின்றோம். எமது அன்னையின் அன்பான அரவணைப்புக்கு ஈடாக இந்து அன்னையின் அரவணைப்பில் இருந்த காலமே எமது வளமான வாழ்வினை நிர்ணயம் செய்வதற்கு அடித்தளமிட்டது என்பதை நீங்கள் ஏற்றுக்கொள்வீர்கள். அறிவினை புகட்டியது மட்டுமல்லாது சமய பண்பாட்டு கலாசார விழுமியங்களையும் ஒழுக்கத்தினையும் நாம் பேண வழி காட்டி ஆற்றலும் ஆளுமையும் மிக்கவர்களாக வளர்த்தெடுத்து குடும்பத்துக்கும் சமூகத்துக்கும் நாட்டுக்கும் பயன் மிக்கவர்களாக உருவாக்கிய இந்து அன்னையின் வளர்ச்சிக்கு அனைவரும் இணைந்து கைகொடுப்போம் வாருங்கள் என மீண்டும் அன்போடும்; உரிமையோடும் அழைக்கின்றோம்.
காரை மண்ணிலிருந்து பல சாதனையாளர்களை உருவாக்கிய வகையில் இலங்கைத் தீவின் ஒரு மூலையில் சின்னஞ்சிறிய தீவாக இருக்கும் காரைநகரை உலக அரங்கிலுள்ள பலரும் திரும்பிப் பார்க்க வைத்ததில் காரை இந்துவுக்குள்ள பங்கு காத்திரமானது என்பதை எவரும் மறுக்க முடியாது என்பதுடன் காரைநகரின் முக்கியமான அடையாளங்களுள் ஒன்றாகவும் இக்கல்லூரி பரிணமித்துள்ளமை குறித்து நாம் பெருமைப்படமுடியும்.. இன்று நலிவுற்றிருக்கும் காரை மண்ணை செழிப்பு மிக்கதாக மீண்டும் மாற்றி அமைக்கும் முயற்சியில் கல்விக்கான வசதி வாய்ப்புக்கள் கல்வி நிறுவனங்கள் ஊடாக ஏற்படுத்திக்கொடுக்கும் செயற்பாடுகள் முன்னிலைப்படுத்தப்படவேண்டியதன் அவசியத்தை காரை அமைப்புக்கள் புரிந்துகொண்டு செயற்படுவது பாராட்டி வரவேற்கத்தக்கதாகும். காரை மண்ணின் கல்விப் பாரம்பரியத்துக்கு வித்திட்ட பழமை மிக்க முதன்மைப் பாடசாலையான காரை இந்துவின் வளர்ச்சிப் பாதையில் உங்களது பேராதரவுடன் வரலாற்றுத் தடங்களை ஏற்படுத்திய வண்ணம் பயணித்து வருகின்ற பழைய மாணவர் சங்கத்தின் கனடாக் கிளை காணிக் கொள்வனவுக்கான உதவித் திட்டத்தினையும் வெற்றிகரமாக நிறைவேற்றி வைக்கும் என்கின்ற உறுதியான நம்பிக்கையினை நீங்கள் இதுவரை வழங்கிய உதவிகள் ஊடாக ஏற்படுத்தித் தந்துள்ளீர்கள்.

எமது முன்னையோர் விட்டுச் சென்ற பணிகளை அனுபவித்து பயனடைந்த நாம் வழங்கும் உதவிகள் மூலம் எமது உறவுகளின் எதிர்காலச் சந்ததியும் அனுபவித்து பயன்பெறுவதுடன் எமது பெரியோரின் கூற்றுக்கிணங்க கோடி புண்ணியத்தினையும் பெற்றுக்கொள்ள வழிசமைத்துக்கொள்வோம்.

“அன்ன யாவினும் கோடி புண்ணியம்
ஆங்கோர் ஏழைக்கு எழுத்தறிவித்தல்”

திட்டம் குறித்த விபரங்களை அறியவும் உதவிகளை வழங்கவும் விரும்புவோர்களுக்கான தொடர்புத் தகவல்கள்:

தொலைபேசி இலக்கங்கள்: (647)532-6217 (416)804-0587 (416)639-2930
மின்னஞ்சல் முகவரி:   karaihinducanada@gmail.com

தாங்கள் வழங்கத் தீர்மானிக்கும் நன்கொடையினை மேற்குறித்த தொலைபேசி இலக்கங்களுள் ஒன்றுடன் அல்லது மேற்குறித்த மின்னஞ்சல் முகவரியூடாக தொடர்புகொண்டு அறியத்தந்தால் அதனைப் பெற்றுக்கொள்வதற்கான ஏற்பாடுகள் தங்களுடன் பேசி மேற்கொள்ளப்படும்.

கடன் அட்டையை(Credit Card) பயன்படுத்தி PAY PAL வழியாக நன்கொடையினை வழங்க விரும்புவோர் கீழே உள்ள இணைப்பினை அழுத்துவதன் மூலம் வழங்கிக்கொள்ளமுடியும்.

பழைய மாணவர் சங்கம் – கனடா